Uch nafar bokschimizda g'alaba, Prakaten yarim finalda va boshqa natijalar (4-kun)

Unda o'zbekistonlik sportchilar quyidagi natijalarni qayd etishdi: 

Akademik eshkak eshish. Anna Prakaten chorak finalda startga chiqdi va marraga ikkinchi bo'lib etib kelib, yarim finalga yo'l oldi. 

Dzyudo (-81 kg). SHarofiddin Boltaboev - bronza uchun o'tish jangigacha etib bordi va yakunda tojikistonlik raqibga imkoniyatni boy berdi. 

Boks (-57 kg). Sitora Turdibekova Kongo vakilasi Marselat Sakobini 3:2 hisobida mag'lub etdi. 

Futbol. O'zbekiston - Dominikan Respublikasi 1:1

Boks. (-54 kg). Nigina O'ktamova - CHolmi Pang (KXDR) (1/8 final) - 0:5 hisobida yutqazdi

Boks. (-51 kg). Hasanboy Do'smatov - Xuanma Lopes de Xesus (Puerto-Riko) (1/8 final) - 5:0 hisobida g'alaba qozondi

Boks. (-80 kg). To'rabek Xabibullaev - Eumir Marsial (Filippin) (1/8 final) - 5:0 hisobida g'alaba qozondi

Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ldi.

SAHIFANI YANGILASH

00:22. -80 kg vaznli bokschimiz To'rabek Habibullaev filippinlik Eumir Marsyalga qarshi jang qildi va 5:0 hisobida g'alaba qozondi! Yana bir chorak final!

23:30. Hasanboy Do'smatov Puerto-Riko vakili Xuanma Lopes de Xesusni 5:0 hisobida mag'lubiyatga uchratdi va chorak finalga yo'l oldi!

23:00. Boksda kechki dastur bahslari boshlandi. Birozdan so'ng Hasanboy Do'smatov ringga ko'tariladi. 

20:12. -54 kg vaznli bokschimiz Nigina O'ktamova 1/8 finalda KXDR vakilasi CHolmi Pangga qarshi jang qildi va afsuski 0:5 hisobida imkoniyatni boy berdi. Niginaning bugungi raqibasi Jahon chempioni va Osiyo o'yinlari g'olibasi hisoblanardi...

19:23. Futbolchilarimiz hisobni tenglashtirishdi. Alisher Odilov Dominikan Respublikasi darvozasini ishg'ol qildi - 1:1.

19:16. SHarofiddin Boltaboev soniyalar ichida tojikistonlik raqibiga imkoniyatni boy berdi. Sportchimiz medalsiz qoldi...

19:12. Bu orada futbolchilarimiz penaltidan gol o'tkazib yuborishdi. 51-daqiqaga kelib Dominikan Respublikasiga 0:1 hisobida yutqazyapmiz. 

19:10. SHarofiddin Boltaboevning bronza uchun o'tish jangi boshlanishiga oz qolmoqda.

17:10. Endi SHarofiddin bronza medali uchun o'tish bosqichida tojikistonlik Somon Mahmadbekovga qarshi tatamiga chiqadi. Mazkur bellashuv 19:00 dan so'ng boshlanadi. Boltaboev ushbu bahsda g'alaba qozonsa, yarim finalda mag'lub bo'lgan sportchilardan biriga qarshi kurashadi.  

17:06. SHarofiddin Boltaboev chorak finalda koreyalik raqibga yutqazdi. Endi u bronza uchun o'tish jangida kurashadi. 

16:45. Futbol terma jamoamizning Dominikan Respublikasiga qarshi tarkibi aniq bo'ldi.

16:32. -57 kg vaznli bokschi qizimiz Sitora Turdibekova ilk jangini Kongo vakilasiga qarshi o'tkazdi va 3:2 hisobida g'alaba qozondi! SHu tariqa, u 1/8 final yo'llanmasiga ega chiqdi!

16:18. SHarofiddin Boltaboev franciyalik raqibini mag'lub etdi va chorak finalga yo'l oldi! Navbatdagi raqib - Janubiy Koreya vakili!

15:07. SHarofiddin Boltaboev chorak final yo'llanmasi uchun mezbonlar vakili Jalo Alfa Omarga qarshi tatamiga chiqadigan bo'ldi. 

14:30. Dzyudo bahslari davom etmoqda. -81 kg vaznli hamyurtimiz SHarofiddin Boltaboev ishtirokini ikkinchi bosqichdan boshlashi lozim edi. Lekin uning iroqlik raqibi Sajjad Sehinning musobaqada ishtirok etmasligi malum bo'lgan. SHu sababli Boltaboev biryo'la uchinchi davradan ishtirokini boshlaydi. U taxminan 16:00dan so'ng Ozarbayjon yoki Franciya vakiliga qarshi bahs olib boradi.

13:08. Akademik eshkak eshuvchimiz Anna Prakaten chorak finalda o'z guruhida ikkinchi natijani (7:35.91) ko'rsatdi va yarim finalga yo'l oldi. Yarim final 1 avgust kuni o'tkaziladi. 

12:45. Akademik eshkak eshish bahslari boshlandi. Birozdan so'ng Anna Prakaten ham startga chiqadi.