UFC 296 turnirining asosiy kardini ochib beruvchi jang bekor qilindi

Etiborlisi, oqshomga uch kun qolgan bir paytda turnirning asosiy kardini ochib berishi kutilgan Visente Luke - Yena Machado Gerri jangi bekor qilindi. Bunga mag'lubiyat nimaligini bilmay kelayotgan irlandiyalik Yen Machado Gerrining betob bo'lib qolishi sabab bo'ldi. 

Bu xabarni shaxsan UFC prezidenti Dana Uayt ham tasdiqladi.

"Ha, Yen Gerri va Visente Luke jangi o'tkazilmasligi haqidagi xabarlarni eshitdim va bu ayni haqiqat", - dedi tashkilot rahbari. "Gerri tumov bo'lib qoldi va bu pnevmoniyaga aylanib ketdi. SHu boisdan bu jang bekor qilindi. Jang o'tkazilmaydi. 

O'z o'rnida irlandiyalik hozirgi holatida ham oktagonga chiqmoqchi bo'lganligi, lekin shifokorlar bunga ruxsat berishmaganini takidladi. 

"Men pnevmoniyaga chalindim, shifokorlar qo'ldan kelganicha yordam berishdi. Lekin UFC shifokorlari jang qilishim uchun bir foiz ham imkoniyatim yo'qligini aytishganidan keyin taslim bo'ldim", - dedi Yen.

Eslatib o'tamiz, UFC 296 turnirining asosiy jangida yarim o'rta vazn toifasida UFC chempioni Leon Edvards davogar Kolbi Kovingtonga qarshi oktagonga ko'tariladi.