UFC Fight Night 232 turnirining asosiy jangi muddatidan avval yakunlandi + FOTO

"UFC Apex" arenasida o'tgan UFC Fight Night 232 oqshomining asosiy jangi o'rta vazn toifasida tashkil etildi. Unda amerikalik Brendan Allen shotlandiyalik Pol Kreygga qarshi oktagonga ko'tarildi. Allen jangning uchinchi raundi yakunlanishiga 38 soniya qolgan bir paytda raqibini bo'g'ish usuli bilan mag'lubiyatga uchratdi. 

Bu 27 yoshli Brendan uchun faoliyatidagi 23-g'alabasi bo'ldi. Hisobidagi mag'lubiyatlari soni 5 taligicha qoldi. Allen ketma-ket oltinchi g'alabasini tantana qildi. 35 yashar Kreyg esa bugun MMAdagi ettinchi mag'lubiyatini qabul qilib oldi. Uning hisobida 17 g'alaba va 1 durang ham bor. SHotlandiyalik oxirgi 4 ta jangidan 3 tasida mag'lubiyat alamini totib ko'rdi.