UFC Fight Night 284 turnirining barcha natijalari: 7 ta finish, qozog'istonlik jangchida ikkinchi g'alaba

Bu esa bonus sohiblari aynan shuncha bo'lganini ko'rsatmoqda. Avstraliyalik engil vaznli jangchi Kuillan Salkilld oqshomning asosiy voqeasida polshalik tajribali aralash yakkakurash ustasi Mateush Gamrotni birinchi raunddayoq bo'g'ish usuli bilan mag'lub etib, dunyoning eng kuchli ligasidagi g'alabali yurishini davom ettirdi.

Birinchi raundning boshidayoq Salkilld raqibini chap qo'l zarbasi bilan muvozanatdan chiqardi, keyin esa deyarli to'rt daqiqa davomida parterda ustunlik qilib, 4:25 daqiqada bo'g'ish usuli evaziga raqibini taslim etdi. 

UFC`dagi beshinchi g'alabasini birinchi raunddayoq qo'lga kiritgan 26 yoshli avstraliyalik jangdan keyingi intervyusida divizionning kuchli beshligidagi vakillar bilan raqobatlashishga tayyor ekanligini malum qildi.

Turnirning ikkinchi asosiy jangida tashkilot faxriysi, braziliyalik 41 yoshli engil vazn toifasi vakili Diego Ferreyra amerikalik Billi Kuarantillo bilan kechgan shiddatli uch raundlik qarama-qarshilikda hakamlarning yakdil qarori bilan g'alaba qozondi.

Boshqa natijalar qatorida qozog'istonlik yarim og'ir vaznli Diyar Nurgojayning muvaffaqiyatli ishtirokini alohida takidlash joiz. U liga bayrog'i ostida ketma-ket ikkinchi g'alabasini qo'lga kiritib, birinchi raund tugashiga bir soniya qolganida braziliyalik Bruno Lopesni texnik nokaut evaziga mag'lub etdi.

SHuningdek, Yadier Del Valle, Tay Miller, Joze Montanya, Mayls Jons va Juliana Miller ham bugungi turnirda raqiblari ustidan muddatidan oldin g'alaba qozonishdi.

UFC Fight Night 284 turnirining barcha natijalari:

Asosiy kard janglari

Kuillan Salkilld Mateush Gamrotni sabmishn (ortdan bo'g'ish) qildi – 1-raund, 4:25

Diego Ferreyra Billi Kuarantilloni hakamlarning yakdil qarori bilan engdi (30-27, 30-27, 30-27)

Yadier Del Vale Darren Elkinsni texnik nokautga uchratdi (zarba) – 1-raund, 0:35

Aleksiya Tainara raqibasi Amanda Lemosdan ochkolar hisobiga ko'ra ustun keldi (30-27, 29-28, 29-28)

Tay Miller Billi Goffni texnik nokaut (zarbalar) evaziga mag'lubiyatga uchratdi – 3- raund, 0:15

Prelim kard janglari

Stiven Asplund Gilerme Patani ochkolar hisobi bilan mag'lub etdi (29-28, 29-28, 29-28)

Diyar Nurgojay Bruno Lopesni texnik nokaut evaziga engdi (zarbalar) – 1-raund, 4:59

Jose Montanya Lui Sazerlendni sabmishn qildi – 1-raund, 1:50

Manoel Souza Richi Mirandadan ustun keldi (29-28, 29-28, 29-28)

Mayls Jons Janni Vaskesni texnik nokaut (zarbalar) hisobiga yutdi – 1-raund, 3:09

Juliana Miller raqibasi Ravena Oliveyra sabmishn (ortdan bo'g'ish) evaziga mag'lubiyatga uchratdi – 2-raund, 1:38

Kerol Foro raqibasi Jiovanna Kanutoni hakamlarning yakdil qarori bilan mag'lub etdi  (29-28, 29-28, 29-28)