UFCdagi eng omadsiz "bashoratchi" kim ekanligini bilasizmi? U Getji va Masvidalga ishonib, bitkoin hisobida $1 mln yutqazgan

Reper Dreyk — MMAning ashaddiy muxlisi: u Xabibga qarshi jangda Konorni qo'llab-quvvatlagan (vazn o'lchash marosimida ham bo'lgan), va u muntazam ravishda janglarga pul tikib keladi. UFC 272 turniri doirasidagi Masvidal — Kovington jangida u Xorxega muxlislik qilgan va uning g'alabasi uchun bitkoin hisobida 275 ming dollar tikkan. Masvidal jangda autsayder bo'lganini hisobga olsak, uning g'alaba qozonishi yirik voqelik edi.

Lekin "stavka" o'xshmadi: Kovington, kutilganidek bir urinishdayoq Masvidalni mag'lub etdi. Jangdan so'ng esa Dreykka gap-so'zlar "otildi":

"Keling, Dreyk bugungi oqshomda boy bergan pullar haqida gaplashamiz. Sen sportda pul tikishni bilmaysan, Dreyk. Repga va ahmoqona albomlaringga qayt".

Biroq, Dreykning muvaffaqiyatsizligi to'xtamadi — u NBA va NFLga pul tika boshladi. Unga hech qaerda omad kulib boqmasdi (garchi Superboulda 140 ming dollar yutgan bo'lsada). Ammo, Dreyk UFC 274 turnirida ham tavakkalga qo'l urdi: bu safar u Getjining Oliveyrani mag'lub etishi uchun 550 ming dollar tikadi va yana yutqazadi, agar uning taxmini to'g'ri bo'lganida, 1 mln 375 ming dollar yutib olgan bo'lar edi.



Dreyk yana autsayderni tanladi va yana yutqazdi. Getji Oliveyrani ikki marta nokdaun qilgan bo'lsada, dastlabki raundning o'zida CHarlz uni bira-to'la nokautga uchrata oldi. Dreyk esa birgina jangning o'zida 825 ming dollar yo'qotdi. Albatta, bu reper uchun falokat emas (u 2021 yilda 50 mln dollar ishlab topgan), lekin muvaffaqiyat qozonish har doim yoqimli.