Uimbldon. 16 yoshli Mirra Andreevaning yurishi davom etadi

Rossiyalik 16 yoshli iqtidor egasi Uimbldon turnirining 1/8 final ishtirokchisiga aylandi. U uchinchi davra uchrashuvida WTA reytingida 23-o'rinni egallab turgan vatandoshi Anastasiya Potapovani 6/2, 7/5 hisobida mag'lubiyatga uchratdi. 

Rossiyaliklarning o'zaro uchrashuvlaridagi hisob muvozanati tiklandi - 1:1. To'qson olti daqiqa davom etgan bahsda ikkala tennischi ham eys zarbasini amalga oshira olmadi. Qo'shxatolar Potpovada ko'proq bo'ldi - 4 ga 1. Mirra 6, Nastya esa 3 ta breyk qayd etdi. 

Andreeva faoliyatida ilk bor "Katta Dubulg'a" turnirlarining ikkinchi haftasida o'ynaydi. U "Rolan Garros" turnirining uchinchi davrasiga qadar etib borgan edi. Birozdan so'ng Mirra Andreeva 1/8 final uchrashuvida amerikalik Medison Kizga qarshi kortga chiqadi.