09 iyu 15:05
Yangiliklar

Tennis

Uimbldon. Arina Sobolenkoning yurishi davom etadi

Sayyoramizning ikkinchi raketkasi Arina Sobolenko "Katta Dubulg'a" turkumiga kiruvchi Uimbldon turnirining to'rtinchi davrasiga yo'l oldi.

Belaruslik tennis malikasi 82 daqiqa davom etgan uchinchi davra uchrashuvida reytingning 40-pog'onasidan joy olgan rossiyalik Anna Blinkovani ortiqcha qiyinchiliksiz mag'lubiyatga uchratdi - 6/2, 6/3. Tennischilarning o'zaro barcha uchrashuvlarida Arina zafar quchgan - 3:0.

Blinkova 4, Sobolenko 8 ta eys zarbani amalga oshirgan. Qo'shxatolar 6 ga 8 ko'rinishida bo'ldi. Arina 5, Anna 2 ta breyk qayd etdi. Belaruslik tennischi 1/8 finalda rossiyalik Ekaterina Aleksandrovaga qarshi kortga chiqadi.