15 iyu 21:59
Yangiliklar

Tennis

Uimbldon. Erkaklar o'rtasidagi juftlik bahslarida g'oliblar malum + FOTOGALEREYA

Londonda yakuni sari yaqinlashayotgan "Katta Dubulg'a" turkumiga kiruvchi Uimbldon turnirining erkaklar o'rtasidagi juftlik bahslarida g'oliblar aniqlandi.

Hal qiluvchi final uchrashuvida niderlandiyalik Uesli Koolxof va britaniyalik Nil Skupski hamkorligi ispaniyalik Marsel Granolers hamda argentinalik Orasio Sebalos tandemini ikki setda ham bir xil hisobda mag'lub etdi - 6/4, 6/4.

Etmish sakkiz daqiqa davom etgan bahsda Koolxof/Skupski juftligi 4, Granolers/Sebalos hamkorligi esa 6 ta eys zarbasini amalga oshirgan. "Uimbldon"dagi ikki haftalik muvaffaqiyatli ishtirok Koolxof va Skupskiga bosh sovrindan tashqari 600 ming funt sterlingdan pul mukofotini ham keltirdi.