Usman Nurmagomedov: "Men dunyodagi eng kuchli engil vaznli jangchiman"

Garchi Usman hali eng kuchli (top) engil vaznli raqiblar bilan to'qnash kelmagan bo'lsa-da, u ayni damda dunyodagi eng yaxshi jangchi ekanligiga shubha qilmayapti.

"Men jang qilishni, g'alaba qozonishni, barcha kamarlarni qo'lga kiritishni va sog'lig'im imkon berganicha ularni himoya qilishni rejalashtiryapman. Hozirgi vaqtda o'sish uchun salohiyatim borligini ko'ryapman, har doim ustida ishlash kerak bo'lgan narsalar bor, barcha ko'nikmalarimni rivojlantirishim va kuchaytirishim mumkin. Ammo dunyodagi boshqa engil vaznli jangchilarni oladigan bo'lsak, men ayni damda eng kuchlisi ekanligimga ishonaman. Odamlar boshqacha fikrda bo'lishi mumkin, lekin ular mening o'zim haqimdagi fikrimni o'zgartira olmaydi. Vaqti keladi – hammasini ko'rsatamiz, hozircha esa gazni bosamiz!", – dedi Nurmagomedov "Red Corner MMA"ga bergan intervyusida.

Nyu-Yorkda bo'lib o'tgan PFL turnirining markaziy jangi bo'ladigan ushbu chempionlik bahsi 28 yoshli Usman Nurmagomedov uchun tashkilot bilan tuzilgan amaldagi shartnoma bo'yicha oxirgisi bo'ldi. U katta ehtimol bilan endi UFC`ga o'tadi.