Valter Uoker o'zi jang qilishni istagan besh nafar raqibni aytdi

"Men oktyabr yoki noyabr oyida ushbu yigitlardan biri bilan jang qilishim kerak. Nima deb o'ylaysizlar? Menga adrenalin kerak. 1) Derrik Lyuis. 2) Kyortis Bleyds. 3) Ante Deliya. 4) Sergey Spivak. 5) Vitor Petrino", — deb yozdi braziliyalik og'ir vaznli jangchi ijtimoiy tarmoqdagi sahifasida.

Abu-Dabidagi UFC Fight Night 282 turnirida Tomas Pitersenni birinchi raunddayoq oyoqqa og'rituvchi usul bilan taslim etgan Uoker tashkilotning og'ir vazn toifasidagi meta-reytingi va media-reytingida uch pog'onaga ko'tarilib, mos ravishda sakkizinchi va o'ninchi o'rinlarni egalladi.

Dunyoning eng kuchli ligasi oktyabr oyida ikkita raqamli turnir o'tkazishni rejalashtirgan: UFC 332 va UFC 333. Ular mos ravishda 3 oktyabr kuni Solt-Leyk-Siti va 24 oktyabr kuni Abu-Dabida bo'lib o'tadi. Noyabr oyida esa tashkilot Nyu-Yorkda ananaviy yillik turnirini o'tkazadi.

Malumot uchun, oktyabr oyidagi birinchi raqamli turnirda Valter Uokerning akasi Jonni Uoker tashkilotning og'ir vazn toifasida debyut qiladi va britaniyalik Mik Parkinga qarshi jang o'tkazadi.