"Vaqti kelib KXLda o'z jamoamiz bo'ladi". SHodiev O'zbekiston xokkey federaciyasi raisining o'rinbosari etib saylandi

Biroq, so'nggi yillarda mamlakatimizda ushbu sport faoliyatida biroz uzilish paydo bo'lgan va O'zbekistonda xokkey taraqqiyoti to'xtab qolgandi. Bugunga kelib shaxsan muhtaram Prezidentimiz SHavkat Mirziyoev tomonidan qishki sport turlarini, jumladan xokkeyni ham rivojlantirishga alohida etibor qaratilmoqda. Ayni paytda yurtimizda xokkey federaciyasi ham faoliyat olib bormoqda.

Bugun, 13 fevral kuni Milliy olimpiya qo'mitasida O'zbekiston xokkey federaciyasining navbatdan tashqari hisobot-saylov Konferenciyasi bo'lib o'tdi. Unda MOQ prezidenti Umid Ahmadjonov, O'zbekiston xokkey federaciyasi rahbariyati va mutasaddilari, hakamlar hamda OAV xodimlari ishtirok etishdi.

Kun tartibidan o'rin olgan eng asosiy masala federaciya raisiga o'rinbosar saylashdan iborat edi. SHu munosabat bilan mazkur lavozimga “Binokor” xokkey klubi menejeri Iskandar Qosimovich SHodiev nomzodi ilgari surildi. Konferenciya ishtirokchilari bir ovozdan ko'rsatilgan nomzodni qo'llab-quvvatlashlarini malum qildilar. SHu tariqa, I.SHodiev O'zbekiston xokkey federaciyasi raisining o'rinbosari lavozimiga saylandi.

"Menga ana shunday imkoniyat berilganidan xursandman. O'zbekistonda xokkey asta-sekinlik bilan rivojlantirilmoqda. Bu yildan milliy chempionat ham tashkil etildi. Poytaxtimizda katta muz arenasi bunyod etilmoqda. Maqsadimiz - xokkeyni Respublika bo'ylab rivojlantirishdir. Birgalikda ishlab kelajakda muvaffaqiyatlarga erishamiz va vaqti kelib KXLda ham o'z jamoamiz bo'ladi", - dedi Iskandar SHodiev.

MOQ rahbari Umid Ahmadjonov ham kelajakda xokkey yurtimizda rivojlanishi haqida gapirib o'tdi.

"Mart oyida yurtimizda "Humo" muz saroyi foydalanishga topshiriladi. Kelajakda bunday muz arenalari viloyatlarda ham ko'payishiga umid qilamiz va xokkeyni butun mamlakatimiz bo'ylab rivojlantiramiz", - dedi Umid Ahmadjonov.

SHu tariqa, O'zbekiston xokkey federaciyasining navbatdan tashqari hisobot-saylov konferenciyasi o'z ishini yakunladi.