Vazirlikda “O'zbekiston Respublikasi Davlat tili haqidagi Qonunning ijrosi muhokama qilindi

Unda O'zbekiston Respublikasi «Davlat tili haqida»gi Qonunning jismoniy tarbiya va sport sohasidagi ijrosi muhokama qilindi.

Jismoniy tarbiya va sport vazirining o'rinbosari Nodir Murotov raisligida o'tkazilgan yig'ilishda O'zbekiston Respublikasi Bosh prokuraturasining boshqarma prokurori Murodulla Tursunmetov, vazirning manaviy-marifiy ishlar samaradorligini oshirish, davlat tili to'g'risidagi qonun hujjatlariga rioya etilishini taminlash masalalari bo'yicha maslahatchisi Zokir Rasulov, vazirlik boshqarma va bo'lim boshliqlari, Qoraqalpog'iston Respublikasi jismoniy tarbiya va sport vaziri, viloyatlar va Toshkent shahar jismoniy tarbiya va sport boshqarmalari, hududlarning markaziy tuman(shahar) jismoniy tarbiya va sport bo'lim boshliqlari, barcha turdagi sport talim muassasalari va tashkilotlari rahbarlari ishtirok etdi.

Yig'ilishda O'zbekiston Respublikasi Prezidentining 2020 yil 20 oktyabrdagi PF–6084-sonli «Mamlakatimizda o'zbek tilini yanada rivojlantirish va til siyosatini takomillashtirish chora-tadbirlari to'g'risida»gi Farmoni doirasida kelgusida vazirlik hamda vazirlik tizimidagi muassasa va tashkilotlarda amalga oshiriladigan vazifalar, shuningdek, O'zbekiston Respublikasi Bosh prokuraturasining 2020 yil 30 oktyabrdagi 10.1/10-20-133-sonli «Qonun buzilishi, uning kelib chiqish sabablari va bunga imkoniyat berayotgan shart-sharoitlarni bartaraf etish to'g'risida»gi taqdimnoma muhokama etildi.

Videoselektor yig'ilishida kelgusida ish yuritish jarayonida o'zbek tilining imlo qoidalariga jiddiy etibor qaratish borasida tegishli ko'rsatma va tavsiyalar berildi.