Velosport. Asal Rizaeva Osiyo chempionatining kumush medali sohibiga aylandi!

Ahamiyatlisi, ushbu kun bahslari ham O'zbekiston terma jamoasi uchun muvaffaqiyatli o'tdi. 

Yoshlar o'rtasida individual vaqt poygasi dasturida ishtirok etgan hamyurtimiz Asal Rizaeva ikkinchi natijani qayd etib, kumush medalga sazovor bo'ldi. 15 kmga kechgan poygada Rizaevadan 4 soniya yaxshiroq natija qayd etgan vetnamlik Ti Be Nguen oltin medalni qo'lga kiritgan bo'lsa, Xitoy Taypeyi vakilasi CHeuk Tam shohsupaning uchinchi pog'onasidan joy oldi. 

Eslatib o'tamiz, bu terma jamoamizning musobaqadagi uchinchi medali. Birinchi kun doirasida o'tgan estafeta yo'nalishida terma jamoamiz kumush va bronza medallarini qo'lga kiritgan edi.