WBA kamariga sobiq davogar Botir Ahmedovning navbatdagi raqibi va jang sanasi malum

Tashkilotchilar ushbu turnirning yana bir jangini malum qilishdi.

Unga ko'ra, super engil vazn toifasi WBA reytingida oltinchi o'rinni egallab turgan hamyurtimiz Botir Ahmedov (9-3-0) yana bir o'zbek bokschisi - Muhammadsalim Sotvoldiev (7-7-2) bilan ringda to'qnash keladi.

Malumot o'rnida, Botir Ahmedov faoliyati davomida ikki bor WBA jahon chempionlik kamari uchun ringga chiqqan (2019, 2022). U ilk urinishda Mario Barriosga imkoniyatni boy bergan bo'lsa, o'tgan yilgi ikkinchi urinishda Alberto Puelloga yutqazib qo'ygan edi. Bundan tashqari, Ahmedov so'nggi jangini shu yilning may oyida AQSHda Kennet Sims Juniorga qarshi o'tkazib, ochkolar hisobiga ko'ra mag'lub bo'lgandi. 

Eslatib o'tamiz, 6 noyabr kuni Sochidagi boks oqshomida Botir Ahmedovdan tashqari, Hasanboy Do'smatov va Fazliddin G'oibnazarov ham ringga ko'tariladi.