WTA Finals. Qozog'istonlik tennis malikasida mag'lubiyat

Biroz kutilmaganda dunyoning to'rtinchi raketkasi Elena Ribakina guruh bosqichining ilk uchrashuvida mag'lubiyat alamini totib ko'rdi. Qozog'istonlik tennis malikasi WTA reytingida beshinchi pog'onada borayotgan amerikalik Jessika Pegulaga 5/7, 2/6 hisobida yutqazib qo'ydi. 

Tennischilarning o'zaro uchrashuvlaridagi ustunlik Jessika tomonida - 3:1. Sakson to'rt daqiqa davom etgan bahsda Ribakina 5, Pegula 2 ta eys zarbasini amalga oshirgan. Breyklar Jessikada ko'proq bo'ldi - 5 ga 2.