12 dek 11:00
Yangiliklar

Tennis

WTA tomonidan "Yil juftligi" elon qilindi

Xalqaro ayollar tennis associaciyasi (WTA) bir nechta nominaciya bo'yicha yilning eng yaxshilarini aniqladi.

Jumladan, avstraliyalik Storm Xanter va belgiyalik Elize Mertens hamkorligi 2023 yilgi tennis mavsumining eng yaxshi juftligi deb topildi. Bu juftlik yakuniga etgan mavsumda Rim va Gvadalaxaradagi WTA 1000 turnirlarida bosh sovrinni qo'lga kiritdi. "Uimbldon" turniri finaliga qadar etib bordi. Storm ayni paytda juftlik reytingida birinchi, Elize esa ikkinchi o'rinni egallab turibdi.

Ulardan tashqari yilning eng yaxshi juftligi bo'lish uchun amerikaliklar Kori Goff va Jessika Pegula, chexiyaliklar Barbora Kreychikova va Katerjina Sinyakova, kanadalik Gabriela Dabrovski va Yangi Zelandiya vakilasi Erin Rutlif, rossiyalik Vera Zvonaryova hamda germaniyalik Laura Zigemund tandemlari davogarlik qilgandi.