Xabib: "Futbol MMAdan ancha yaxshi. Agar Angliyada tug'ilganimda, futbolchi bo'lardim"

- Aytishlaricha, "Manchester Yunayted", "Manchester Siti", "Real", "Arsenal"ni qo'llab-quvvatlaysiz... Aslida qaysi biriga muxlislik qilasiz?

- "Bu erda [Londonda] har xil odamlar – "Arsenal", "CHelsi", "Tottenxem", "Manchester" muxlislari ko'p. SHuning uchun men o'zimning Angliyadagi sevimli jamoam nomini aytmayman.

Men Angliya Premer-ligasini yaxshi ko'rishimni aytishim mumkin. Uni juda yaxshi ko'raman. Menga futbol yoqadi va umuman, futbol MMAdan ancha yaxshi. Buni men avval ham aytganman va doim aytaman. Odamlar buni bila turib "nega unda MMA jangchisi bo'lgansiz?", deb so'rashadi. Rostini aytsam, bu qandaydir bir tasodif.

Bu mening Dog'istonda tug'ilib o'sganim tufayli sodir bo'lgan bo'lsa kerak. Agar Angliyada tug'ilganimda, futbolchi bo'lardim. Men futbolni sevaman. Men Angliyada biron bir jamoani tanlamayman, shunchaki bu mamlakatda futboldan zavqlanaman. Agar biron bir jamoa nomini aytsam, menga nisbatan hushtakbozlik qilinadi", – dedi UFC'ning engil vazn toifasi bo'yicha sobiq chempioni xayriya kechasida.