Xalqaro xokkey federaciyasiga azo bo'lishda Rossiya tomoni O'zbekistonni qo'llab-quvvatlaydi

XXFning navbatdagi kongressi joriy yil 25-27 sentyabr kunlari Italiya poytaxti Rimda bo'lib o'tadi. Yuqoridagi fikrni RXF ijrochi direktori Dmitriy Kurbatov Oliy xokkey ligasi doirasida poytaxtimizdagi “Humo Arena” muz saroyida o'tkazilgan dastlabki o'yinga tashrifi chog'ida takidlab o'tgan. Eslatib o'tamiz, mazkur o'yinda «Xumo» jamoasi «Ryazan» klubini yirik – 5:0 hisobida mag'lub etdi.

«Biz Xalqaro xokkey federaciyasining to'laqonli va doimiy azosi sifatida O'zbekistonni mazkur tashkilot azoligiga qabul qilish uchun ovoz beramiz, - deydi Kurbatov. – SHu bilan birga bu tanlovni tashkilotning boshqa azolari tomonidan ham qo'llab-quvvatlanishi uchun harakat qilamiz».

Kurbatovning aytishicha, O'zbekiston XXFning azoligiga qabul qilinishiga aslo shubha yo'q. Bu voqea esa mamlakat xokkeyi tarixida yangi sahifa ochadi.

O'zbekiston xokkey federaciyasi 2013 yil oktyabr oyida tuzilgan. 2019 yil fevralda uzoq yillik tanaffusdan so'ng mamlakat chempionati tiklanib, musobaqada to'rtta jamoa ishtirok etdi.

Poytaxtimizda kechgan OXLning ilk o'yinida Toshkentning «Xumo» jamoasini qo'llab-quvvatlash uchun juda ko'p sonli xokkey muxlislari kelishdi. SHu kuni muhtasham “Humo Arena” deyarli to'ldi. Bu esa mamlakatimizda qaytadan tug'ilgan mazkur ajoyib sport turiga qiziqish juda yuqori ekanidan darak beradi.

Ushbu haftada bu muhtasham majmuada «Xumo»ning yana ikkita uy uchrashuvi bo'lib o'tadi. 13 sentyabr kuni jamoa Qozonning «Bars», 15 sentyabrda esa Nijniy Novgorodning «Torpedo-Gorkiy» klubi bilan kuch sinashadi.