Xanchjou-2022, Parij-2024: Diqqat markazida Gimnastika federaciyasi taqdimoti

Kecha kunning ikkinchi yarmida O'zbekiston gimnastika federaciyasining taqdimoti bo'lib o'tdi. Taqdimotni O'zbekiston gimnastika federaciyasi raisining o'rinbosari Ruslan Mustaev olib bordi. 

SHuni takidlash kerakki, reja avvalgi Olimpiadaga tayyorgarlik asosida tuzilgan. Rustam Mustaev o'z nutqida gimnastikaning har bir yo'nalishi bo'yicha tanlov mezonlarini batafsil bayon qilib, asosiy etibor bo'lajak musobaqalar – Xanchjou-2022 Osiyo o'yinlari va Parij-2024 Olimpiya o'yinlariga tayyorgarlik ko'rayotgan sportchilarga qaratilishini takidladi. 

Taqdimotda boshqa jihatlar qatori, chet ellik murabbiylarni jalb qilish zarurligi, xususan, gimnastikaning har bir yo'nalishi bo'yicha Rossiya, Xitoy, Polsha va AQSHdan murabbiylar taklif qilish alohida ko'rib chiqilganligi takidlandi. Ruslan Mustaev musobaqa taqvimida o'zgarishlar yuz bergan taqdirda, rejalarga o'zgartirishlar kiritilishi mumkinligi to'g'risida aytib o'tdi. 

Mutaxassisning takidlashicha, sport gimnastikasi yo'nalishida jahon chempionati g'oliblarining aksariyati Osiyo qitasidan va bu borada vakillarimizni keskin raqobat kutib turibdi.

Tadbir davomida O'zbekiston Milliy olimpiya qo'mitasi rahbari Rustam SHoabdurahmonov ham o'z fikrini bildirib o'tdi.

«Avvalo, barchangizga sihat-salomatlik tilayman. SHuni ham takidlashni istardimki, siz juda ajoyib va qiziqarli taqdimot o'tkazdingiz. Bizga barcha zarur inventarlar bilan jihozlangan yangi sport zali kerak. Biz gimnastika turlari uchun yaxshi sharoitlarni yaratishimiz lozim. Sizlarda Oksana CHusovitina kabi ham o'zbek, ham jahon sportining afsonasi bor. Oksana bilan fikr almashishni maslahat beraman, chunki u katta tajribaga ega. Siz o'z taqdimotingizda bo'lajak musobaqalardagi medallar haqida gapirmoqdasiz, ammo licenziyalar olish bo'yicha ham chuqur yondashuv kerak. 2021 yilga kelib, jamoani to'liq shakllantirgan, yosh sportchilarni yanada katta musobaqalarga tayyorlagan, selekciya ishlarini kuchaytirgan bo'lishingiz lozim. Biz birgalikda, hamjihatlikda ishlaymiz va faqat oldinga boramiz«, – dedi MOQ prezidenti.