Xanchjou-2022, Parij-2024: Dzyudochilarimizning tayyorgarlik rejalari muhokama qilindi

SHubhasiz, barchamiz mazkur anana davom etishini istaymiz va buning uchun barcha rejalar, dasturlar ishlab chiqilmoqda. MOQ raisi O'zbekiston dzyudo federaciyasiga tashrif buyurib, Xanchjou-2022 Osiyo o'yinlari va Parij-2024 Olimpiya o'yinlariga tuzilgan tayyorgarlik rejalari bilan tanishdi. 

Tadbirda MOQ raisi Rustam SHoabdurahmonov, O'zbekiston dzyudo federaciyasi rahbariyati va mutasaddi vakillari, MOQ xodimlari, murabbiylar ishtirok etishdi.

Taqdimotni O'zbekiston dzyudo federaciyasi raisi o'rinbosari SHoatham Isroilov olib bordi. So'z o'rnida Rustam SHoabdurahmonov rejalar borasida o'z fikrlarini bildirib o'tdi.

“Dzyudo yoshlarimiz orasida eng sevimli sport turlaridan biri. Bunga sportchilarimizning xalqaro maydonlarda erishayotgan yutuqlari sababdir. Hukumatimizning qo'llab-quvvatlashi bilan yana bir necha kundan so'ng poytaxtimizda ilk bor “Katta dubulg'a” turniri o'tkaziladi. Bu esa yurtimizda ushbu sport turi va sog'lom turmush tarzi targ'ibotida muhim ahamiyatga ega”, – dedi MOQ raisi.

Mutasaddilarning malumot berishicha, ayni paytda yurtimizda 21 mingdan ziyod o'g'il-qizlar mazkur sport turi bilan shug'ullanadi. Taqdimotda ushbu yoshlar orasidan eng saralarini tanlab olish, kuchli selekciya ishlarini yo'lga qo'yish alohida mavzuga aylanib ketdi.

SHuningdek, terma jamoamiz etakchilari siymosida yoshlarga o'rnak bo'ladigan qahramonlarni gavdalantirish, Xanchjou va Parij o'yinlariga tayyorlarlik yo'lida tashkil qilinadigan o'quv-mashg'ulot yig'inlari va xalqaro turnirlar, hakamlar malakasini oshirish kabi yo'nalishlarda atroflicha fikr bildirildi.