Xokkey. “Binokor” yana mag'lub bo'ldi, “Humo” yakka peshqadam FOTOGALEREYA

Dastlab turning birinchi o'yini “Semurg'” va “Binokor” jamoalari o'rtasida bo'lib o'tdi. Asosiy vaqtda durang natija qayd etildi - 4:4. Qo'shimcha bo'limda darvozani ishg'ol qilgan “Semurg'” xokkeychilari g'alabaga erishishdi. 

SHundan so'ng “Humo” va “Toshkent” jamoalari bir-birlariga qarshi muzga chiqishdi. Uchrashuvda sezilarli ustunlikka ega bo'lgan “Humo” xokkeychilari 3:1 hisobida zafar quchishdi.

Beshinchi turdan so'ng birinchi O'zbekiston chempionatida 8 ochko to'plagan “Humo” jamoasi yakka peshqadamlik qilmoqda. “Semurg'” va “Toshkent” jamoalari hisobida 6tadan ochko bor. Hali g'alaba lazzatidan totib ko'rmagan “Binokor” jamoasi so'nggi o'rindan joy olgan. 

CHempionatda navbatdagi 6-tur uchrashuvlari ertaga va yakshanba kuni o'tkaziladi.