“Xorazm kuzi”da g'olib va sovrindorlar aniqlandi

Ayniqsa, hazorasplik xalqaro grossmeyster Nodirbek Yaqubboev, xalqaro ayollar grossmeysteri Nilufar Yakubboevaning nomi nafaqat mamlakatimiz, balki jahon shaxmat olamida ham mashhur.

Ayni damda viloyatning shahar va tumanlaridan ularning munosib izdoshlari etishib chiqmoqda. Turli miqyosda o'tkazilayotgan musobaqalar yoshlarning qobiliyatini ro'yobga chiqarishga xizmat qilayotir. 

SHubhasiz, Urganch shahrida tashkil etilgan “Xorazm kuzi” viloyat ochiq turniri ana shular sirasiga kiradi. Bir necha kun davom etgan ushbu musobaqada 5 yoshdan 12 yoshgacha bo'lgan 50 nafarga yaqin yosh “aql gimnastikasi” sohibi etti yosh toifasida o'zaro dona surdi. Tabir joiz, unda ko'plab yangi iqtidor egalari kashf qilindi.

Turnir yakunida g'olib va sovrindor shaxmatchilar tashkilotchilar tomonidan taqdirlanishdi.