28 mar 16:58
Yangiliklar

Qishki sport turlari

“Xumo” pley-offda muvozanatni tikladi FOTOGALEREYA

Xokkey bo'yicha mamlakat chempionatining pley-off bahslari qizg'in pallaga kirib bormoqda.

“Ice Sity” ko'ngilochar sport majmuasida poytaxtning “Xumo” hamda “Semurg'” jamoalari muzga tushishdi. Tengma-teng kurashlar ostida kechgan o'yinda “Semurg'” jamoasi hisobda oldinda borayotib, o'yin tugashiga sanoqli daqiqalar qolganida imkoniyatni boy berdi.

Pley-off bosqichining ikkinchi uchrashuvi (oldingi uchrashuvda “Semurg'” jamoasi 6:2 hisobida “Xumo”dan ustun kelgan edi)da omad “Xumo” jamoasi tomonda bo'ldi: “Xumo” - “Semurg'” 5:4. Pley-offda ikki o'yin natijalariga ko'ra hisob tenglashdi: 1:1.

Eslatib o'tamiz, final bosqichiga chiqish uchun tomonlar kamida uchta o'yinda g'alaba qozonishi shart. Pley-off bosqichining navbatdagi uchrashuvi 30-31 mart kunlari bo'lib o'tadi.