Yana bir o'zbekistonlik MMA jangchisi Toshkentda chempionlik kamari uchun jang qiladi + POSTER

Avvalroq, musobaqaning markaziy jangida og'ir vazn toifasida o'zbekistonlik Azamat Nuftillaev chempionlik kamari uchun braziliyalik Edivan Santosga qarshi oktagonga chiqishi haqida xabar bergan edik.

Malum bo'lishicha, yana bir hamyurtimiz - super og'ir vaznli Qodirxon G'aniev ham titul uchun jang qiladi. Unga rossiyalik Oleg Kubanov raqiblik qiladi.

Qodirxon G'aniev faoliyati davomida 14 ta jang o'tkazib, ularning 9 tasida g'alaba qozongan va 5 ta jangda raqiblari undan ustun kelgan. Oleg Kubanov esa prof faoliyatida 17 ta jang o'tkazib, ularning 9 tasida zafar quchgan, qolgan 8 ta jangda esa raqiblariga imkoniyatni boy bergan.