26 noy 09:18
Yangiliklar

Karate

Yaponiya terma jamoasi murabbiylari karatechilarimiz uchun master-klass o'tkazdi FOTOGALEREYA

O'zbekiston va Yaponiya mamlakatlarining sport sohasidagi hamkorligi doirasida Kunchiqar yurt karate ustalarining mamlakatimizga tashrifi amalga oshirildi.

SHinji Nagaki (5-DAN qora belbog' sohibi), Makoto Xosoya (4-DAN) va Riosuke SHimizu (4-DAN) ikki kun davomida yurtimiz karatechilari uchun master-klass, yani mahorat saboqlarini namoyish etishdi.

Sportchi sifatida jahon va bir necha marotaba Osiyo chempioni bo'lgan SHinji Nagaki ayni paytda karate WKF bo'yicha Yaponiya terma jamoasi bosh murabbiyi hisoblanadi. Murabbiy sifatida 10 nafar jahon chempionlarini tarbiyalagan.

Makoto Xosoya va Riosuke SHimizu esa Yaponiya terma jamoasida Nagakiga murabbiylar shtabida yordam berishadi. Bu ikki mutaxassis ham ko'plab jahon va Osiyo chempionlarining ustozi hisoblanadi.