Yaqin uch oyda o'zbek prof bokschilarini qanday janglar kutmoqda?

Sportchilar uchun Olimpiada yili nomini olgan yilda yurtimiz professional bokschilarini muhim janglar kutib turibdi. Ular orasida chempionlik janglarining ham borligi barchamizni birdek xushnud etmoqda. 

Bugungi kunda yurtimizda "Favzul Munavvar", Buka Boxing, LIFT Promotion singari bir nechta promouterlik kompaniyalari faoliyat yuritmoqda. Bu kompaniyalar O'zbekistonda ko'plab boks kechalarini o'tkazib kelyapti. Tabiiyki, 2024 yilda ham bu anana davom etadi. SHuningdek, viloyatlarda ham professional boks turnirlari muntazam ravishda o'tkazilmoqda. 2023 yilda Sirdaryo, Navoiy, Andijon kabi viloyatlarda ana shunday boks oqshomlari tashkil etildi. 

Bundan tashqari, yuqorida takidlaganimizdek, 2024 yilda o'zbekistonlik bokschilar ishtirokidagi chempionlik janglariga ham guvoh bo'lamiz. Otabek Xolmatov 2 mart kuni vakant bo'lib qolgan WBA kamari uchun amerikalik Raymon Fordga qarshi ringga ko'tariladi. CHempionlik jangiga AQSHning Nyu-York shtati, Verona shahri mezbonlik qiladi. Top Rank promouterlik kompaniyasi 317 500 dollar evaziga ushbu jangni tashkil etish huquqini qo'lga kiritgan. 

SHahram G'iyosov 24 fevral kuni AQSHning Orlando shahrida tashkil etiladigan prof boks oqshomida ringga chiqadi. SHu kuni unga meksikalik Pablo Sezar Kano raqiblik qiladi. Jang g'olibi WBA kamari uchun rasmiy davogarga aylanadi. 

Olimjon Nazarov va Abdurasul Ismoilov 13 yanvar kuni Janubiy Koreyaning Incheon shahrida "Cocky Buffalo" promouterlik kompaniyasi tomonidan tashkil etiladigan oqshomda navbatdagi janglarini o'tkazishadi. O'ta engil vazn toifasida WBO Oriental kamari sohibi Olimjon Nazarov (28-5-0) xitoylik Vulan Tuolexazi (15-5-2) bilan jang qiladi. Birinchi yarim o'rta vazn toifasidagi Abdurasul Ismoilov (10-2-0)ga esa yana bir Xitoy vakili Veyvey Liu (4-2-0) raqiblik qiladi. 

SHuningdek, Murodjon Ahmadaliev kamarlarini qaytarib olish 2024 yilning birinchi choragida ringga chiqadi. Bektemir Meliqo'ziev ham joriy yilda chempionlik kamari uchun jang o'tkazishi kerak.