"Yashil makon" umummilliy loyihasi doirasida CHirchiq OPSTTMda hashar o'tkazildi, mahorat darslari tashkil etildi FOTOGALEREYA

Jumladan, 28-29 oktyabr kunlari Toshkent viloyati mahallalarida ham kuzgi daraxt ekish mavsumini yuqori saviyada tashkil etish uchun "Obod va fayzli mahalla - yurt ko'rki" va "Yangi O'zbekiston - yashil makonda birga yashaylik!" shiorlari ostida umummilliy hashar o'tkazilmoqda. 

Xususan, kecha 28 oktyabr kuni CHirchiq olimpiya va paralimpiya sport turlariga tayyorlash markazida "Yashil makon" umummilliy loyihasi doirasida markaz direktori Ravshan Gafurov boshchiligidagi ishchi-xodimlari ishtirokida hashar tashkil etilib, mevali va manzarali daraxt ko'chatlari ekildi. 

Mazkur "Obod va fayzli mahalla - yurt ko'rki" va "Yangi O'zbekiston-yashil makonda birga yashaylik!" shiorlari ostidagi hasharda markazning sobiq bituruvchilaridan - jahon chempioni, "Xanchjou-2022" Osiyo o'yinlari sovrindori Doston Yoqubov, "Jakarta-2018" Osiyo o'yinlari va jahon chempionati g'oliblari Adhamjon Ergashev, Muhammadqodir Toshtemirov hamda ikki karra Osiyo chempioni, "Xanchjou-2022" Osiyo o'yinlari g'olibi Artyom SHturbabinlar ham ishtirok etib, mevali va manzarali daraxt ko'chatlari ekishdi, obodonlashtirish ishlariga ko'maklashishdi. 

SHuningdek, markazning sportchi-o'quvchilari uchun ushbu nomdor sportchilar ishtirokida "Men qaxramonimga ergashaman" shiori ostida mahorat darslari o'tkazildi. O'zaro suhbat asosida o'tgan mahorat darslarida o'quvchilar qiziqtirgan savollariga munosib javob olishdi. Uchrashuv so'nggida chempion sportchilarga esdalik sovg'alari ulashildi. 

Ushbu jarayonlarda Toshkent viloyati Yoshlar siyosati va sport bosh boshqarmasi boshlig'i Rustam Boboqulov ishtirok etdi.

Ilhom RAHMONOV tayyorladi