Yaxshi xabar! Jon Jons qaytmoqda, uning raqibi engilmas Bellator jangchisi

Uning raqibi og'ir vaznda mag'lubiyat nimaligini bilmay kelayotgan Bellator jangchisi Jeyk Xeger bo'ladi. Jeyk WWE promoushenining superyulduzi ham hisoblanadi.

"Tezkor xabar! Mamnuniyat ila dunyodagi eng kuchli greppling tashkiloti Fury Grappling promousheni bayrog'i ostida jang o'tkazishimni malum qilmoqchiman. 9 dekabr kuni WWE superyulduzi, engilmas Bellator jangchisi Jeyk Xeger raqibimga aylanadi", - deya o'zining Tvitter sahifasida xabar qoldirgan Jons.

Amerikalik 39 yoshli restler Jeyk Xeger Bellator promoushenida 4 ta professional jang o'tkazib, ularning 3 tasida g'alaba qozongan. Ikki jangni muddatidan avval yakunlagan. Bitta jangida beldan pastga tizzada zarba berilgani bois, g'olib elon qilinmagan edi. Xeger o'tgan yilning oktyabr oyida hozircha oxirgisi bo'lib turgan jangini Brendon Koltonga qarshi o'tkazib, ochkolar hisobiga ko'ra g'alaba qozongandi.