Yosh gimnastikachilarimiz Portugaliyada g'olib va sovrindor bo'lishdi

Ushbu musobaqada jahonning 10 ta mamlakatidan tashrif buyurgan yosh gimnastikachi qizlar ishtirok etishdi. Turnirda yurtimiz sharafini Osiyo Tojieva va Gulchehra Sobirovalar himoya qilishdi. 

2013 yilda tavallud topgan sportchilar o'rtasidagi bahslarda ishtirok etgan Osiyo Tojieva oltin medalni qo'lga kiritdi. Gulchehra Sobirova esa halqa bilan mashqlarda oltin, anjomsiz mashqlarda bronza medaliga sazovor bo'ldi. Qizlarimiz 2011 va undan keyingi yillarda tug'ilgan sportchilar o'rtasidagi ko'pkurash bahslarida bronza medallariga ega chiqdilar.

SHuningdek, musobaqa doirasida O'zbekistonda xizmat ko'rsatgan murabbiy Zarina Abdullaeva rossiyalik tajribali hamkasbi Nelya Muraveva bilan birgalikda yosh gimnastikachilarga xalqaro o'quv-mashg'ulot yig'inlarini o'tkazdi.