Yubenks Nadal yurtida chempion bo'ldi

Musobaqa bosh sovrini dunyoning 77-raketkasi bo'lib turgan Kristofer Yubenksga nasib etdi. Amerikalik tennischi hal qiluvchi final uchrashuvida reytingda o'zidan 34 pog'ona yuqorida borayotgan franciyalik Adrian Mannarinoni mag'lubiyatga uchratishni uddaladi - 6/1, 6/4. 

Tennischilarning o'zaro ikkinchi uchrashuvida ham Kristofer zafar quchdi - 2:0. Oltmish to'rt daqiqa davom etgan bahsda Yubenks 11, Mannarino 4 ta eys zarbasini amalga oshirgan. Ikkala tennischi ham qo'shxatoga yo'l qo'ymadi. Breyklar soni Yubenks foydasiga 3:0 ko'rinishida bo'ldi. 

Malorkadagi muvaffaqiyatli ishtirok Kristofer Yubenksga 250 reyting ochkosi hamda 139,270 evro mukofot puli keltirdi.