Расман. UFC Алекс Перейра — Магомед Анкалаев чемпионлик жангини эълон қилди

Турнирнинг марказий жанги расман эълон қилинди.

Унга кўра, ярим оғир вазн тоифаси чемпиони, бразилиялик Алекс Перейра мусобақа доирасида россиялик биринчи рақамли даъвогар Магомед Анкалаев билан тўқнаш келади.

Жанг беш раунддан иборат бўлади.

Маълумот ўрнида, бу Перейра учун бешинчи ҳимоя жангига айланади. Унинг ҳисобида 12 та ғалаба ва 2 та мағлубият мавжуд. Магомед Анкалаев эса ҳозирга қадар 22 та жанг ўтказиб, 20 та ғалаба, 1 та мағлубият ва 1 та дуранг қайд этган.

Аввалроқ, Алекс мазкур жангдан кейин оғир вазн тоифасига ўтиши хабар қилинганди.