Нурмагомедов: "Агар Конор UFCга қайтмаса, Фергюсонга қарши жанг қиламан"

-Барбоза қандай жанг ўтказди? Нимаси биландир ҳайрон қолдира олдими?

-Унга ва мураббийларига раҳмат айтаман. У муносиб жанг қила олди. Оёғи билан берган зарбалари менга таъсир қилди. Жанг вақтида ундан сўрадим: "Бўлдими? Сенинг қўлингдан келадиган нарса шуми?". Унинг зарбалари оғир. Яхшигина тепа олади.



-Жангдан мамнунмисиз? Режа амалга ошдими? Муддатидан олдин ғалаба ўхшамай қолдику...

-Жангни муддатидан олдин якуламоқчи эдим. Лекин, ундан ташқари "клетка" ичида кўпроқ вақт ўтказиш ҳақида ҳам ўйладим. Агар сен 15 дақиқа жанг қиладиган бўлсанг бу катта тажриба дегани.

Тўқнашувни яна кўриб чиқдим. Хатолар кўп бўлган. Лекин, режамни амалга ошира олдим.


-Кейинги жанг қачон? МакГрегор ҳақида нима дейсиз?

-Билмадим, у UFCга қайтадими йўқми. Агар қайтмаса Тони билан апрель-май ойларида жанг ўтказамиз. Рамазон ойигача улгура олсак яхши бўларди.