Осиё ўйинлари. Ўзбекистонлик спортчиларнинг барча натижаси битта саҳифада (LIVE)

Ушбу саҳифа орқали ўзбекистонлик спортчилар қайд этаётган натижалар билан онлайн равишда танишиб боришингиз мумкин бўлади.

САҲИФАНИ ЯНГИЛАШ

10:35. Теннис. Ҳумоюн Султонов кейинги босқичда! Жанубий Кореялик теннисчи 0:3 ҳисобидан сўнг ўйинни давом эттирмаслигини маълум қилди ва Ҳумоюн чорак финалга йўл олди.

10:27. Дзюдо. Самариддин Қўчқоров ярим финалда япониялик рақибга мағлуб бўлди. Энди у бронза учун курашади. 

10:00. Слаломда эшкак эшиш. Жонибек Темиргалиев финални 4-ўринда якунлади. 

9:48. Бокс. Ситора Турдибекова бизга маълум бўлган Хитой Тайпейи вакилига қарши жанг қилиб, 0:5 ҳисобида ютқазди. Турдибековада ҳам БРОНЗА!

9:39. Дзюдо. Лазиза Ҳайдарова бронза учун ўтиш баҳсида тожикистонлик рақибасига ютқазди. 

9:20. Дзюдо. Абдукарим Нутфуллоев хитойлик рақибини мағлубиятга учратиб, ярим финалга чиқди.

9:14. Бокс. Феруза Казакова ярим финалда Олимпиада чемпиони, хитойлик рақибасига 0:5 ҳисобида имкониятни бой берди. Боксчимизда БРОНЗА!

9:09. Дзюдо. Сита Қадамбоева қозоғистонлик рақибасини мағлубиятга учратиб, ярим финалга йўл олди. 

9:05. Юнон-рум кураши. Жалгасбай Бердимуратовнинг рақиби финалга чиққани учун, ҳамюртимизда бронза учун курашиш имконияти пайдо бўлди. Юнон-рум курашида финаллар учун беллашувлар соат 14:00дан сўнг бошланади. Иккита финал ва битта бронза учун баҳс юртдошларимизни кутмоқда.

9:00. Сувга сакраш. Игор Мялин саралашни муваффақиятли ўтказиб, финалга йўл олди. Ушбу финал бугун 13:30да бўлади.

8:55. Чим устида хоккей. Ўзбекистон аёллар терма жамоаси Қозоғистонга 1:1 (2:4) ҳисобларида мағлуб бўлди ва мусобақани 12-ўринда якунлади.

8:52. Дзюдо. Самариддин Қўчқоров баҳрайнлик рақибини мағлубиятга учратиб, ярим финалга йўл олди. 

8:45. Слаломда эшкак эшиш. Жонибек Темиргалиев ярим финалдан муваффақиятли ўтди ва финалга йўл олди.

8:40. Дзюдо. Самариддин Қўчқоров ва Абдуҳаким Нутфуллоевда ҳозирча ғалабалар. Лазиза Ҳайдарова эса афсуски мағлуб бўлди.

8:33. Юнон-рум кураши. Рафаэль Цицуашвили Жанубий Корея, Қозоғистон, Туркманистон вакилларини мағлубиятга учратиб, финалга йўл олди.

8:20. Юнон-рум кураши. Жалгасбай Бердимуратов олдинига хитойлик рақибини мағлуб этди, кейин эса қирғизистонлик курашчига ютқазди.

8:09. Аёллар кураши. Феруза Есенова илк жангдаёқ Қирғизистон вакиласига ютқазди. 

8:02. Юнон-рум кураши. Айтжан Халмаханов Хитой, Саудия Арабистони ва Қирғизистон вакилларини мағлубиятга учратиб, финалга йўл олди.

Бугун мусобақада иштирок этадиган ўзбекистонлик спортчилар рўйхати билан танишинг: 

(Тошкент вақти билан)

Чим устида хоккей, аёллар, 9-12-ўринлар учун - 5:00 - Қозоғистон - Ўзбекистон

Слаломда эшкак эшиш (байдарка), эркаклар, ярим финал - 6:30 - Жонибек Темиргалиев

Юнон-рум кураши (-67 кг), нимчорак финал - 6:30 - Айтжан Халмаханов - Ленг Жи (Хитой)

Гольф, эркаклар - 6:35 - Сергей Чен

Юнон-рум кураши (-87 кг), нимчорак финал - 6:50 - Жалгасбай Бердимуратов - Ши Ликуй (Хитой)

Гольф, эркаклар - 6:55 - Канатбек Қурбоналиев

Юнон-рум кураши (-130 кг), нимчорак финал - 7:05 - Рафаэль Цицуашвили - Ким Минсеок (Корея Республикаси)

Дзюдо, эркаклар (-60 кг) - 7:00 дан сўнг - Самариддан Қўчқоров - Б. Викас (Непал)

Дзюдо, эркаклар (-66 кг) - 7:00 дан сўнг - Абдураҳим Нутфуллоев - Кейсей Накано (Филиппин)

Дзюдо, аёллар (-52 кг) - 7:00 дан сўнг - Сита Қадамбоева - Меруерт Сарсенова (Қозоғистон)/Тоуки Сенгдаке (Лаос) баҳси ғолибига қарши;

Дзюдо, аёллар (-60 кг) - 7:00 дан сўнг - Самариддан Қўчқоров - Б. Викас (Непал)

Гольф, эркаклар - 7:20 - Акбаржон Иноятов

Аёллар кураши (-68 кг), чорак финал - 7:40 - Фируза Есенбаева - Мейерим Жуманазарова (Қирғизистон)

Сувга сакраш, эркаклар, 10 м трамплин - 8:00 - Игорь Мялин

Сувга сакраш, эркаклар, 10 м трамплин - 8:00 - Амал Мавлонов

Бокс, аёллар (-51 кг), ярим финал - 9:00 - Феруза Казакова - Ву Ю (Хитой)

Бокс, аёллар (-60 кг), ярим финал - 9:30 - Ситора Турдибекова - Лин Ю Тинг (Хитой Тайпейи)

Бокс, эркаклар (-70 кг), ярим финал - 11:00 - Шавкатжон Болтаев - Торехан Сабирхан (Қозоғистон)

Велотрек, аёллар, жамоавий таъқиб, бронза медали учун - 11:28 - Ўзбекистон аёллар терма жамоаси

Бокс, эркаклар (-90 кг), ярим финал - 11:30 - Тўрабек Ҳабибуллаев - Капил Покхария (Ҳиндистон)

Теннис, эркаклар - 13:00 - Ҳумоюн Султонов - Сун Ву Квон (Жанубий Корея)

Теннис, эркаклар - 13:00 - Сергей Фомин - Сумит Нагал (Ҳиндистон)

Теннис, микс - 15:00 - Севиль Юлдашева/Максим Шин - Анна Данилина/Александр Шевченко (Қозоғистон)

Футбол, эркаклар, ярим финал - 15:30 - Ўзбекистон - Япония.