"Манчестер Сити" АПЛ томонидан қўйилган айбловларга жавоб қайтариш ниятида

"Бу ерга етиб келиш учун 8 йил керак бўлди ва бундан анча кўпроқ вақт талаб этилади", – деди Сориано Премьер-лиганинг 2018 йилда бошланган суриштирувини назарда тутган ҳолда. Чиқишидан сўнг у журналистларнинг саволларига жавоб бермай, учрашувни тарк этди.

Аввалроқ "Сити" 115 та айбловнинг мутлақ кўпчилиги бўйича айбдор деб топилгани маълум бўлганди. Клуб молиявий қоидаларни четлаб ўтиш мақсадида алоқадор компаниялардан олинган ҳомийлик даромадларини ошириб кўрсатиш ва ҳисобга олинмаган тўловларни амалга оширишда айбланган.

Санкциялар ҳозирча эълон қилинмади. Эҳтимолий оқибатлар — очколардан маҳрум қилиш, АПЛдан четлатиш ёки катта миқдордаги жарима. Премьер-лига клублари товон пули ундириш бўйича юридик маслаҳат олишни бошлаб юборишган, "Сити" эса апелляция бериши кутилмоқда.