Буюк Британия парламенти аъзоси "Манчестер Сити"ни АПЛдан четлатишга чақирди

"Бу мисли кўрилмаган қарор бўлиб, у жиддий оқибатларни талаб этади. Бу оқибатлар клубнинг лигадан тушиб кетишига муқаррар сабаб бўладиган даражада салмоқли миқдордаги очколардан маҳрум этишни ичига олиши лозим. Шунингдек, барча маблағлари оммавий футболни ривожлантиришга йўналтириладиган катта жарима солиниши керак.

Лига уларни совринлардан маҳрум қилиш масаласини ҳам жиддий кўриб чиқиши лозим. Агар улар ўз совринларини ноҳалол йўл билан қўлга киритган бўлишса, нима учун уларни сақлаб қолишлари керак? Ёдда тутинг, ушбу қоидабузарликлар ортида бошқа клублар ва мухлислар фахрланиши керак бўлган беҳисоб кубоклар ва титуллар яширинган", – дея Корбиннинг сўзларини келтиради “The Standard”.

25 сентябрь куни мустақил комиссия "Манчестер Сити"ни Премьер-лига молиявий қоидаларини бузиш бўйича 115 та банддан 114 тасида айбдор деб топди. Шу билан бирга, аниқ санкциялар ҳозирча тасдиқланмаган. Клуб апелляция бериши кутилмоқда.