06 май 19:25
Янгиликлар

Гимнастика

15 яшар бадиий гимнастикачимиз Европа кубогида Париж Олимпиадаси совриндоридан кейин иккинчи бўлди

Озарбайжоннинг Баку шаҳрида бадиий гимнастика бўйича Европа кубоги бўлиб ўтди.

Мусобақа доирасида ўзбекистонлик гимнастика усталари — Лола Жўраева ҳамда Мишель Нестерова ҳам иштирок этди. Аҳамиятлиси, турнирда 15 яшар Лола Жўраева тўп билан машқ ва кросс баттл дастурларида кумуш медалларни қўлга киритди. Ҳар икки дастурда олтин медалларни Париж Олимпиадасининг италиялик бронза медали совриндори София Раффаэли қўлга киритди. Мос равишда икки дастурда украиналик Таисия Онофрийчук учинчи натижани қайд этди. Маълумот учун, Онофрийчук Париж Олимпиадаси иштирокчиси ҳисобланади.

Шу тариқа, Лола Жўраева Бакудаги мусобақани иккита кумуш медаль билан якунлади.