23 июн 12:36
Янгиликлар

Теннис

17 ёшли теннисчимиз Plovdiv Challenger турнирининг асосий тўрига чиқди

Теглар : Никита Белозерцев Plovdiv Challenger

Болгариянинг Пловдив шаҳрида теннис бўйича Challenger 50 тоифасига кирувчи, мукофот жамғармаси 56,700 долларни ташкил этувчи турнирнинг саралаш баҳслари якунланди.

Унда Ўзбекистоннинг учинчи ракеткаси Никита Белозерцев ҳам муваффақиятли иштирок этди. Саралаш баҳсларида ўнинчи рақам остида таснифланган 17 ёшли теннисчимиз 1/2 финалда болгариялик Анас Маздрашкини 6/2, 6/2, ҳал қилувчи финал учрашувида эса рейтингда ўзидан 190 поғона юқорида бораётган руминиялик Ромейн Факонни 6/3, 4/6, 6/3 ҳисобида мағлуб этди.

Таққослаш учун, Никита Белозерцев ATP рейтингида 765, Анас Маздрашки 828, Ромейн Факон эса 575-ўринни эгаллаб турибди. Бугун вакилимиз асосий тўрнинг илк даврасида дунёнинг 363-ракеткаси италиялик Энрико Далле Валлега қарши кортга чиқади. Ушбу баҳс бизнинг вақт билан соат 14:00да бошланади.