28 июн 10:39
Янгиликлар

Теннис

18 та эйс Тэйлор Фрицни фаолиятидаги 18-финалга олиб чиқди

Буюк Британиянинг Истборн шаҳрида теннис бўйича майса қопламали ATP турнири бўлиб ўтмоқда.

Дунёнинг бешинчи ракеткаси Тэйлор Фриц мусобақанинг финалига йўл олди. Америкалик теннисчи 1/2 финалда ATP рейтингида 28-ўринни эгаллаб турган испаниялик Алехандро Давидович-Фокинани уч сет натижасига кўра мағлубиятга учратди - 6/3, 3/6, 6/1.

Тэйлор бу ғалабаси эвазига теннисчиларнинг ўзаро учрашувларидаги ҳисоб мувозанатини ҳам тиклаб қўйди - 3:3. Тўқсон уч дақиқа давом этган баҳсда Фриц 18, Давидович-Фокина эса 1 та эйс зарбасни амалга оширган. Америкалик теннисчи ўзининг ATP турнирларидаги 18-финалига чиқди.

Энди Lexus Eastbourne Open турнирининг уч карра чемпиони бўлган Фриц бош соврин учун ватандоши Женсон Бруксбига қарши рингга кўтарилади.