31 авг 13:19
Янгиликлар

Бокс/ММА

18 ёшли боксчи қиз жангдан сўнг "кома"га тушиб қолди + ФОТО

Канададаги бокс кечаларининг бири нохуш ҳолат билан якунланди.

Мексикалик 18 ёшли Закариас Сапата исмли боксчи қиз Канададаги жангидан сўнг кома ҳолатига тушиб қолди. Ушбу жанг 4-раунддан сўнг тўхтатилди. Мексикалик қизни залдан замбилда олиб чиқиб кетишган ва кейинчалик шифохонага олиб кетишган.

Жангнинг тўртинчи раундидан сўнг, рефери Сапатани кўздан кечиради ва жангни тўхтатишга қарор қилади. Бошида бу қарор эҳтиёт чорасидек кўринганди. Аммо, бир неча сониядан сўнг, боксчи қиз ҳушини йўқота бошлайди. Унинг мураббий эса рингга сакраб чиқиб, шогирдига ёрдам беришга уринади.

Биринчи ёрдам кўрсатилгач, боксчи шифохонага олиб борилади. Унинг аҳволи ҳозирда оғир дея баҳоланмоқда.