18 ёшли Шаҳзода аёллар кураши бўйича Осиё чемпионати совриндори бўлди + ФОТО

Кеча икки кун давом этган аёллар кураши бўйича қитъа биринчилиги якунига етди. Иккинчи кунги беллашувларда Шаҳзода Алланиязова бронза медалини қўлга киритди. -65 кг вазн тоифасида курашган 18 ёшли ҳамюртимиз бронза медали учун кечган беллашувда Жанубий Корея вакиласи Барк Жеон Гаэни 5:1 ҳисобида мағлубиятга учратди. 

Шу тариқа, Ўзбекистон аёллар кураши терма жамоаси Осиё чемпионатидаги иштирокини 1 та бронза медали билан умумжамоа ҳисобида 8-ўринда якунлади. Япония терма жамоаси кутилганидек, 4 та олтин, 1 та кумуш, 4 та бронза медали билан биринчи ўринни эгаллади.