Осиё ўйинларининг тўққизинчи кунида учта медални қўлга киритдик

27 август кунги баҳсларда спортчиларимиз учта медаль қўлга киритишди:

Кумуш: 

Баҳринисо Бабаева (каратэ)

Дилдора Раҳматова, Асаль Икромова, Сабина Ташкенбаева, Нуриниссо Усманова (бадиий гимнастика, жамоавий)

Бронза:

Рустам Джангабаев (оғир атлетика)

20:10. Шу тариқа бугунги матнли трансляциямиз ниҳоясига етди.

20:00. Исроил Мадримов илк жангида мўғулистонлик Даваням Давасурендан 5:0 ҳисобида устун келди ва чорак финал иштирокчисига айланди.

18:19. Бадиий гимнастикачиларимиздан КУМУШ медал. Жамоавий финал баҳсларида Сабина Ташкенбаева, Нуриниссо Усманова, Дилдора Раҳматова ва Асал Икромова кумуш медал билан тақдирланишди.

17:51. Боксчимиз Миразизбек Мирзаҳалилов 1/8 финалда иорданиялик Муҳаммад Алвадини 5:0 ҳисобида мағлуб этди ва чорак финалга йўл олди.

16:34. Афсуски, Ўзбекистон олимпия терма жамоаси ўз иштирокини чорак финалдаёқ якунлашга мажбур бўлди. Икром Алибоевнинг йўқ жойдан олган қизил карточкаси, Ашурматовнинг жарима майдончасидаги хатоси терма жамоамиз учун қимматга тушди.

16:29. Ашурматовнинг қўпол хатоси сабаб дарвозамиз томон 11 метрли жарима тўпи белгиланди. Кореялик футболчи пеналтини совуққонлик билан голга айлантирди.

16:12. Биринчи экстра-тайм ўз ниҳоясига етди. Ҳисоб - 3:3. Афсуски, Икром Алибоев йўқ жойдан сариқ карточка олди ва бу иккинчи огоҳлантириш бўлгани сабабли энди бир киши кам ўйнашга мажбурмиз. 

16:01. Футбол. Ўзбекистон - Жанубий Корея ўйинида асосий вақтдан сўнг 3:3. Экстра-таймлар бошланди!

15:12. Орадан ҳеч қанча вақт ўтмай, ҳисобда олдинга ҳам чиқиб олдик - 3:2. Олға, ЎЗБЕКИСТОН!!!!

15:09. Ўзбекистон - Жанубий Корея терма жамоалари учрашувида ҳисоб тенглашди - 2:2

15:03. Каратэ. Баҳринисо Бабаева финалда Хитой Тайпейи вакиласи Шиашуанг Гуга 2:3 ҳисобида ютқазиб қўйди ва якунда КУМУШ медаль соҳибасига айланди. Яна бир очко етмади.

14:20. Каратэ. Баҳринисо Бабаева Филиппин, БАА ҳамда Таиланд вакилларини мағлубиятга учратиб финалга йўл олди. Энди у олтин медаль учун Хитой Тайпейи вакиласи Шиашуанг Гуга қарши баҳс юритади.

13:59. Ўзбекистон олимпия терма жамоасининг чорак финалдан ўрин олган Жанубий Кореяга қарши ўйини бошланмоқда. 

13:32. Оғир атлетикачимиз Рустам Жангабаев +105 кг вазн тоифасидаги баҳсларда бронза медалини қўлга киритди. У икки кураш натижаларига кўра кумуш медал соҳибидан бор йўғи 1 кг кам тош кўтарди. 

13:07. Иқболжон Холдоров иорданиялик рақибини мағлуб этди ва чорак финалга йўл олди.

12:42. Каратэ. Шахбоз Аҳатов Қирғизистон, Ҳиндистон вакилларини мағлуб этиб, ярим финалгача етиб борди. Финал чиптаси учун кечган баҳсда эса япониялик Арага Рютарога 2:3 ҳисобида ютқазиб қўйди. Энди у бронза медали учун курашади.

12:29. Ҳасанбой Дўсматовнинг чорак финалдаги рақиби аниқланди. Олимпиада чемпиони 29 август куни қирғизистонлик Мирлан Тиркбай уулуга қарши рингга кўтарилади. 

11:23. Тошкент вақти билан соат 12:00да оғир атлетикачимиз Рустам Джангабаев медаллар учун курашни бошлайди. 

11:20. От спортида қатнашган спортчиларимиз ўз чиқишларини якунлашди. Чавандозларимиз 17 жамоа ичида саккизинчи натижани қайд этишди.

11:14. Ҳасанбой Дўсматов лаослик рақибини 5:0 ҳисобида мағлуб этди ва чорак финалга йўл олди. 

10:21. Бокс. Бироздан сўнг, аниқроғи соат 11:00да Ҳасанбой Дўсматов рингга кўтарилади. Иқболжон Холдоровнинг жанги эса 13:00га белгиланган. Соат 17:30да Миразизбек Мирзаҳалилов баҳсга киришса, 19:45да байроқдоримиз Исроил Мадримов ушбу Осиё ўйинларидаги илк жангини ўтказади.

10:04. Бадиий гимнастикачиларимиз жамоавий баҳслардаги иштирокларини бошлашди.


09:49. Синхрон сузиш. Анастасия Морозова ва Анна Елтишева тандеми ўз чиқишида 77,78 балл билан бешинчи натижани қайд этди.

08:16. Яна бир каратэчимиз Дастонбек Отаболаев иорданиялик спорчига мағлуб бўлди.

07:44. Каратэчимиз Дилдор Аннадурдиева илк жангида қозоғистонлик спортчига ютқазиб қўйди. Бронза медали учун ўтиш жангида эса эронлик рақибасига мағлуб бўлди.

07:04. Чавандозларимиз от спорти баҳсларида ўз иштирокларини бошлаб юборишган. 

Ассалому алайкум. Осиё ўйинларининг тўққизинчи кунидан онлайн матнли трансляциямизни бошлаймиз. 

Бугун беллашувларда қатнашадиган спортчиларимиз рўйхати: 

Енгил атлетика:

Дмитрий Мельситов (баландликка сакраш, финал)

Хуршид Аҳмадалиев (800 метрга югуриш, саралаш ва финал)


Синхрон сузиш:

Анна Елтишева, Анастасия Морозова (жуфтлик, саралаш)


Футбол:

Ўзбекистон - Жанубий Корея (чорак финал)


Каратэ:

-50кг: Баҳринисо Бабаева
-68кг: Дилдор Аннадурдиева
-75кг: Достон Отаболаев
-84кг: Шахбоз Ахатов

Оғир атлетика:

+105кг: Рустам Джангабаев (финал)


Бадиий гимнастика:

(яккалик саралаш, жамоавий финал)

Сабина Ташкенбаева
Нуриниссо Усманова
Дилдора Раҳматова
Асал Икромова


От спорти:

(яккалик ва жамоавий, саралаш)

Ғайрат Назаров
Нуржан Туякбаев
Умджон Комилов
Оқил Собиржонов


Бокс:

-49кг: Ҳасанбой Дўсматов
-64кг: Иқболжон Холдоров
-56кг: Миразизбек Мирзаҳалилов
-75кг: Исроил Мадримов