06 июн 11:41
Янгиликлар
Теннис
19 ёшли Гофф кетма-кет учинчи йил "Ролан Гаррос" 1/4 финалида ўйнайди
Фрацияда теннис бўйича "Катта Дубулға" туркумига кирувчи "Ролан Гаррос" турнири давом этмоқда.
Жаҳоннинг 6-ракеткаси америкалик Кори Гофф мусобақанинг тўртинчи даврасида WTA рейтингида роппа-роса 100-поғонани эгаллаб турган словакиялик Анна Шмидловага қарши кортга чиқди.
Бир соату 31 дақиқа давом этган учрашувда Гофф рақибасини 7/5, 6/2 ҳисобида мағлуб этиб, кейинги босқичга йўл олди. Ўзаро учрашувларда Гофф Шмидловани иккинчи бор мағлуб этди.
Эътиборлиси, 19 ёшли Кори кетма-кет учинчи йил "Ролан Гаррос" чорак финалига чиқди. Энди у ушбу босқичда жаҳоннинг биринчи ракеткаси польшалик Ига Свёнтекка қарши баҳс олиб боради.
Ҳавола :
Манба : gotennis
Фикрлар