Ҳасанбой Дўсматов финалга чиқдими? Иқболжон Холдоровчи?

Бугун мамлакат чемпионатида ярим финал жанглари ўтказилиб, олтин медал учун рингга кўтариладиган 16 нафар боксчининг номи маълум бўлди. Энг енгил, яъни -52 кг вазн тоифасидаги марказий жанг Рио Олимпиадаси чемпиони Ҳасанбой Дўсматов ҳамда истеъдодли боксчи Аброржон Қодиров ўртасида бўлиб ўтди. 

Қизиқарли кечган жангда Дўсматов рақибини 4:1 ҳисобида мағлуб этди. Иккинчи ярим финал баҳсида эса Тошкент вилояти вакили Худойназар Файзов ва пойтахтлик Нодиржон Мирзааҳмедов тўқнаш келишди. Жангда 5:0 ҳисобида зафар қучган Файзов эртага финалда Ҳасанбойга рақиблик қиладиган бўлди.

-69 кг вазн тоифасида чемпионлик учун курашаётган жаҳон чемпионатининг кумуш медали совриндори Иқболжон Холдоров финал остонасида фарғоналик Фазлиддин Мелибоевга имконият қолдирмади - 5:0. Иккинчи ярим финалда Бобо-Усмон Батуров Жаҳонгир Раҳмоновдан 5:0 ҳисобида устун келди.