11 авг 09:36
Янгиликлар

Қишки спорт турлари

“Хумо” “Губернатор кубоги”да "Динамо Москва"га қарши ўйин ўтказди

Тошкентнинг “Ҳумо” хоккей жамоаси Россиянинг Нижний-Новгород шаҳрида ўтказилаётган Нижегород вилояти “Губернатори кубоги”даги иштирокини якунлади.

“Ҳумо” мусобақанинг учинчи тур учрашувида Москванинг номдор “Динамо” клубига қарши баҳс олиб борди. Тажриба бобида анча устун бўлган москвалик хоккейчилар ушбу баҳсда 4:1 ҳисобида зафар қучишди.

Эслатиб ўтамиз, “Ҳумо” хоккейчилари аввалига Минскнинг “Динамо” клубига 3:6 ҳисобида имкониятни бой бериб қўйишганди. Кейин эса мезбонларнинг “Торпедо” клуби 3:0 ҳисобида мағлуб этилганди.