31 ёшли Люси фаолиятини якунлайди

Шафаржова Австралия Очиқ чемпионатидан сўнг ракеткасини ғилофига солади. “Катта Дубулға” туркумига кирувчи Австралиян Опен мусобақаси январь ойининг учинчи ўн кунлигида бўлиб ўтади. 

Люси бу қарорини кеча старт олган Федерация кубоги доирасидаги Чехия ва АҚШ терма жамоалари учрашуви олдидан эълон қилди. Шафаржова Australian Open турнирининг ҳам яккалик, ҳам жуфтлик баҳларида иштирок этади. 

Маълумот учун, Люси Шафаржова ўзининг энг яхши натижасига 2015 йилда эришган. Ўшанда у Франция Очиқ чемпионатининг яккалик мусобақасида финалга етиб келган, Ролан Гаррос ва Australian Open турнирларининг жуфтлик баҳсида бош мукофотни қўлга киритган эди. 2015 йилнинг 14 сентябрь куни у WTA рейтингида фаолиятидаги энг юқори поғона 5-ўринга кўтарилади. 2017 йилда WTAнинг жуфтлик рейтинги пешқадами бўлган.