39 та эйс ижро этилган баҳсда Жоковичнинг Майами "Мастерс" финалидаги рақиби аниқланди

Мусобақанинг иккинчи ярим финал учрашувида дунёнинг тўртинчи ракеткаси бўлиб турган америкалик Тэйлор Фритц кутилмаганда ATP рейтингида 54-поғонадан жой олган чехиялик Якуб Меньшикка имкониятни бой бериб қўйди - 6/7(4), 6/4, 6/7(4).

Теннисчиларнинг ўзаро учрашувларидаги ҳисоб мувозанати тикланди - 1:1. Икки соату 27 дақиқа давом этган баҳсда Фритц 14, Меньшик 25 та эйс зарбасини амалга оширган. Икки теннисчи умумий ҳисобда 39 та эйс зарбасини ижро этгани эътиборга молик ҳолат.  

Меньшик фаолиятида иккинчи бор Топ-10`таликда бораётган рақибини мағлуб этди. У иккинчи маротаба ATP турнири финалида ўйнайди. Ўтган йили Доҳадаги турнирнинг финалида у россиялик Карен Хачановга ютқазиб қўйганди. Эртанги финалдаги рақиб эса Новак Жокович бўлади.