42-ракетканинг триумфи билан якунланган оқ либослилар турнирининг финал баҳси ва тақдирлаш маросимидан 33 ТА САРА СУРАТ

Кутилмаганда WTA рейтингида 42-поғонадан жой олган Маркета Вондроушова йилнинг тўртта турниридан бири чемпионига айланди. Чехиялик теннис маликаси финал учрашувида сайёрамизнинг олтинчи ракеткаси, тунислик Онс Жабердан икки сетда ҳам бир хил 6/4 ҳисобида устур келди.  

Янгиланган рейтингда Маркета Топ-10`таликда дебют қилади. У икки ҳафталик меҳнатидан қимматли 2000 рейтинг очкосидан ташқари, 2,35 миллион фунт стерлинг (3 миллион доллардан кўпроқ) ҳам ишлаб олди. Жабер - 1,175 миллион фунт стерлинг (1,5 миллион доллардан кўпроқ) пул мукофотини қўлга киритди. 

Финал учрашувини марказий трибунадан таниқли шахслар кузатиб боришди. Улар орасида машҳур ҳинд актрисаси, 2000 йилги дунё гўзали Приянка Чопра ҳам бор эди. У турмуш ўртоғи Ник Жонас билан бирга финал баҳсини томоша қилди.