4,5 метр баландликдан йиқилиб, шифокорлар томонидан ҳаёти сақлаб қолинган 13 ёшли қиз - Токио шоҳсупасида

Биринчи ва икки ўринни япониялик спортчилар эгаллашди: 19 ёшли Сакура Йосодзуми олтин, 12 ёшли Кокона Хираки кумуш.

Қўрқмас қизалоқнинг ҳикояси 

Бронза медалини 13 ёшли британиялик Скай Браун қўлга киритди ва унинг ҳикояси - бу сюжет! 

Скай - дунёдаги энг машҳур скейтбордчилардан бири. У 8 ёшида биринчи марта катталар ўртасида Vans US Open мусобақасида қатнашди. Браун дунёда биринчи бўлиб баъзи мураккаб элементларни амалга ошира олди.

Лекин бир йил олдин машғулотлардан бири Скай учун фожиа билан тугаши мумкин эди: ёш скейтбордчи траекторияни ҳисобламади ва 4,5 метрдан тўғридан-тўғри бетонга қулаб тушди. Браун ўта оғир жароҳат олди: бош суяги ва қўлининг синиши. Шифокорлар туни билан қизнинг ҳаёти учун курашдилар ва уни қутқариб қолишди. 

Оғир жароҳатлардан сўнг, Скай скейтбордни ташламади: ушбу воқеадан икки ой ўтгач, у 30 метрга етадиган баландликни забт этди.

Олимпиадада Скай фаворит эди, лекин дастлабки иккита уриниши муваффақиятсиз тугади. Учинчи уринишда, Браун диққатини бир жойга жамлади ва кучли учликка киришга имкон берадиган чиқишни амалга оширди.

«Мен ниҳоятда бахтлиман. Нафақат ўзим учун, балки ёнимдаги қизлар учун ҳам. Сакура - менинг энг яхши дўстларимдан бири ва Кокона билан ҳам яхши муносабатдамиз», - деди Браун ўз чиқишидан сўнг.

Скайнинг You Tube`да канали бор, у ерда Браун ўз ҳаётида содир бўлаётган барча воқеликларни жойлаб боради. Влоглар, чиқишларидан видеолар ва шунингдек, ўтган йили содир бўлган бахтсиз ҳодисани ҳам каналига жойлаган. 2020 йилда бу қизалоқ ўзининг "GIRL" қўшиғига видеоклип чиқарди, у аллақачон 3,5 миллиондан ортиқ кўрилган.

sports.ru сайти асосида Хуршида Абдикулова тайёрлади.