02 янв 16:56
Янгиликлар
Бокс/ММА
56 ёшли Рой Жонс фаолиятини якунламоқчи эмас
Тўрт вазн тоифасида собиқ жаҳон чемпиони Рой Жонс машғулотларни давом эттираётгани ва кўргазмали жангда рингга қайтишни режалаштираётганини айтди.
"Мен ҳали кўргазмали жанглар, машғулотлар ўтказаман. Ҳозирча якуний кетишни режалаштирмаяпман", - дея Жонснинг сўзларини келтиради ТАСС.
Ўтган асрнинг 90-йиллари ва 2000 йилларнинг бошларида америкалик Рой Жонс вазн тоифаларидан қатъи назар дунёнинг энг яхши боксчиси сифатида тан олинган. У ўрта, иккинчи ўрта, яримоғир ва супероғир вазн тоифаларида жаҳон чемпиони, яримоғир вазнда мутлақ жаҳон чемпиони бўлган.
Рой Жонс боксдаги сўнгги расмий жангини 2023 йилнинг апрель ойида ўтказган ва ўшанда собиқ UFC чемпиони Энтони Пэттисга имкониятни бой берганди. 2020 йилда Рой Жонс ва Майк Тайсон АҚШда катта қизиқиш уйғотган кўргазмали жанг ўтказишди.
Ҳавола :
Манба : allboxing
Фикрлар