18 апр 20:26
Янгиликлар

Оғир атлетика

Осиё чемпионати. Муаттар Набиевадан иккита медаль

Аввалроқ хабар берганимиздек, Тошкентда оғир атлетика бўйича Осиё чемпионати бўлиб ўтмоқда.

Мусобақанинг иккинчи куни кечки дастурда ҳамюртларимиздан яна бири медалга сазовор бўлди.

-55 кг вазн тоифасидагилар беллашувида Ўзбекистон термаси аъзоси Муаттар Набиева ҳам супачага кўтарилди.

Атлетимиз даст кўтариш машқида 99 кг тошни ўзига бўйсундирди ва бу натижа Муаттарга кумуш медаль учун етарли бўлди.

Мусобақанинг иккинчи қисми, силтаб кўтаришда Набиева 114 кг натижа қайд этди ва икки кураш натижасига кўра, учинчи поғонани банд этиб, термамизга навбатдаги медални тақдим этди. Тахмин қилинганидек, ғолиблик учун асосий кураш Хитой термасининг икки вакиласи ўртасида борди ҳамда якунда Ляо Ксиюн жамоадошини 1 кгга ортда қолдириб, олтин медалга сазовор бўлди.

Ўзбекистон оғир атлетика федерацияси матбуот хизмати